بهذه الكلمات عايد ابراهيم الصقر أبناء زحلة وقراها عشية الميلاد..

نشر رجل الأعمال ابراهيم الصقر رسالة محبة لأهالي زحلة وقرى القضاء مدشنا مسارا جديدا في مقاربته لعلاقته بابناء مدينته عشية عيد الميلاد فكتب على صفحته :” زحلة الحبيبة… اخوتي واهلي أبناء زحلة وقضاء زحلة الاحباء..من القلب للقلب…عشية عيد الميلاد وقبل بليلة من ولادة ” الطفل يسوع” ،حبيت أحكيكم من القلب للقلب…انا ” ابرهيم الصقر” ابن حوش الأمراء… ابن السهل وتربة الخير، وسنابل العطاء،، ابن عيلة حبّت الأرض وما تركتها، وعظامها اليوم مجبولة بالأرض،.. حبيت أحكيكم بعيد عن كل خلاف واختلاف سياسي، وبعيد عن المصالح وحساباتها، من إنسان لكل إنسان، من كل طايفة، أو طرف،أو بلدة من بلدات زحلة الابية ،وبتعهد عشية ولادة خالق الكون بمسيرة محبة وانسانية صادقة، تكون معكم ومنكم والكم، مسيرة ” انسان ووطن” ،وزحلة بتستحق انو نكون بهالروحية وعا قياس زحلة والانسان بزحلة، ووطنية زحلة رح نكون… بروح المقاوم الفلاح، وبروح التعاون والإنماء، وبروح الانسانية والعطاء… وبيت ” إبراهيم الصقر” رح يكون بيت كل زحلاوي همّو لبنان وزحلة وقضاء زحلة وأهل زحلة…. عشية ولادة خالق الكون بتعهد بولادة مسيرة جديدة همّها كل همّ زحلاوي، وصرختها صرخة كل وجع، ومحبتها بتلاقي كل محبة، وروحيتها بتتلاقى مع كل روح وطنية سيادية، بعيدة كل البعد عن المناكفات والكيدية… عشية ميلاد خالق الكون، رح تولد مسيرة جديدة وايدي ممدودة لكل إنسان بيحط ايدو بأيدي تا نلتقي عا حب الوطن وزحلة وقضاء زحلة، وأهل زحلة ،ونرجع نولد من جديد ونناضل لتبقى البلاد لأهلها… إبراهيم الصقر…